secularism

സമകാലീന ഇന്ത്യ നേരിടുന്ന വർഗീയത എന്ന വിപത്തിനെ വിവിധ കോണുകളിൽനിന്ന് നോക്കിക്കാണുന്ന, ഉൽക്കണ്ഠപ്പെടുന്ന, പ്രതിവിധി നിർദേശിക്കുന്നതാണ്, ഈ ഡി ഡേവീസിന്റെ ‘സെക്കുലറിസം, ബഹുസ്വരത, മനുഷ്യാവകാശം’ എന്ന ഗ്രന്ഥം. ഡോ. കെ എം അനിലിന്റെ അവതാരികയ്ക്കൊപ്പം ആറ് അധ്യായങ്ങൾ ചേർന്നതാണ് ഇതിന്റെ ഉള്ളടക്കം,. ഗാന്ധിജി, നെഹ്റു, അംബേദ്കർ, ഇ എം എസ്സ്, തായാട്ട് എന്നിവരുടെ നിലപാടുകളിലൂടെ; ഇന്ത്യ നേരിടുന്ന വർഗീയതാപ്രശ്നത്തെ അവലോകനം ചെയ്യാനാണ് ഗ്രന്ഥത്തിൽ പ്രധാനമായും ശ്രമിക്കുന്നത്. ആ നിലയ്ക്ക് ഇന്നത്തെ കാലത്തോട് ക്രിയാത്മകമായി പ്രതികരിക്കുന്ന ഒരു രചനയായി ഇതിനെ കണക്കാക്കാം.